#منك_هتحرر
علمتنى صمت وسكات
وعيشتنى بين الاموات
بس انا بتنحى
وبطلت اضحى
وحيات رحمه الذكريات
غلطه ومش هتتكرر
وايوه منك هتحرر
وهقدر من غيرك أبات
وهقدملك فعل وإثبات
عزلتنى عن الوجود
خليت احلامى اتحرقت
الماضى مش ممكن يعود
وايام من عمرى اتسرقت
ايه ناقص لسه
ياللى اتعودت تقسى
ده حقوقى ف بحورك غرقت
كنت صابره لاكن
كان جوايا غضب
بركان ف نفسى وساكن
وكأنك بتشعل حطب
رسمت ع الوش تجاعيد
واتهد العش السعيد
اتبخرت كل الطاقه
وحبك اتحول لإعاقه
وخليت قلبى عنك بعيد
هديك تمام وهقول سلام
ياقلب مليان بالجليد
حبك هديله اعدام
وهودع احساسك البليد
# شيماء الدالى
ليست هناك تعليقات:
إرسال تعليق