((( حلم مزيف )))
كتبت أسمك فى مجله
والله بقى لك شنه ورنه
هاتعيش ياولدى وتتهنا
وكل كلامك يوصلنا
بنفس المعنى يفهمنا
وفى منه ينفع يتغنى
ياسلام ياولدى قول سمعنا
مشهور وللشهره تتمنى
معروف وكفايه علينا رنه
دا الكل نفسه يتحنا
ولاأنت خلاص مش هتعبرنا
وتقول زمان كان هنا معانا
أنا خايف والخوف ملاينى ياأمى
دا حلمى وأنا من صغر سنى
وياما حلم بيه كتير قبل منى
خايف لا حلمى يجننى
ويشدنى من حياتى ويشغلنى
دعاكى ليا يوصلنى
وعلى الصعب ياأمى يصبرنى
ممكن ظروفى تعسرنى وتأخرنى
فرحان والفرحه ماتدارى
خايف من الضحكه تتعالا
وتعمل من السعاده أجمل حاله
كل اللى شفنى قال عقبالى
بس دا كان حلم خيالى
مزيف وأنا أدرى بحالى
فى الدنيا ناس ماعندهاش غالى
سبوانى أكمل موالى
علشان الحقيقه تعبت حالى
لكن بصراحه أرتاح بالى
وحددت مكانى وعرفت مقامى
كل شئ وله تمن
وكله ضحك على الدقون ياغالى
كلمات/محمودصلاح السيد15/1/2017
ليست هناك تعليقات:
إرسال تعليق