الخال أبنودى . بقلم \ أحمد شاهين
رحمة الله عليه
لولا الملامه يا خال
والنأب أبنودى
لاغنَى كام موال
والفرح مفصودى
ولو همومى تُقال
أفرد كدا عودى
طول عمرى
وانا شياااال
ما طلعت لجدودى
رحلت عنا بعيد
وباقيه كلماتك
بيها تملى سعيد
موصوله بحياتك
الجرح والتنهيد
وصوت تحياتك
عمرك ما تبقى
وحيد
معانا وحياتك
الشاعر إللى قضَى
طول عمره بيعبَر
عن الوجود والفضا
والمسك والعنبر
وعن شروط الرضا
وإن الإله يقدر
على القدر والقضا
وحده إله أكبر
جوا ديوانك بلِف
وافرا واعيد تانى
فى النحو أو فى
الصرف
وحروف معندانى
فى كلمه تسوى ألف
ملضومه ف معانى
وكلمه نفس الصنف
بقراها وجعانى
قلمك بيبكى عليك
م الفراق موجوع
ودع فى لحظه إيديك
وإنتهى الموضوع
سألته مره عليك
غِرق فى بحر دموع
قاللى أمانه عليك
تغًير الموضوع
الشاعر إللى رحل
عن عالم الدنيا
ألِف وياما إرتجل
وعاش حياه تانيه
ملاك ما بين البشر
ورحلته . ثانيه
عدت كضوء القمر
نَور حياه فانيه
كلمات \ أحمد شاهين
17 \ 1 \ 2017
ليست هناك تعليقات:
إرسال تعليق