علمني الوقت اصبر على الراح
واعيش بهالزمن واتنعم بقهري
واكابر على الجرح وامسح دموع العين
واطوي النار بيدي وانكوي بجمري
مشيت ويه الحزن من الصغر لليوم
وتحملته برغم طعناته اللي بظهري
وتقول الناس يضحك ابد ما مهموم
ما يدرون همي مخزن بصدري
الدنيا وياي تمشي مقلوب
تسرك ضحكتي وتتحكم بعمري
خذت مني العزيز وباكت الخلان
وخلتني بهضيمه وحاير بأمري
بقلم الشاعرة / رتك ولاية لغربتي
ليست هناك تعليقات:
إرسال تعليق