...(( يارب قوينا )).....
قوينا يارب..قوينا.......
دي بلدنا بتنادي علينا......
حمولنا يابلدنا تقيلة.
وأحلامنا لولادنا جميلة
و سكتنا لساها طويله..
هونها يارب علينا ...
نعمرها..وقمرها ينور ..ليالينا.........
قوينا يارب قوينا.......
دي بلدنا بتنادي علينا.......
إفرد ياريس... .
شراعك..عدينا.
دي المركب راسية..ع المينا
قلوبنا معاك .....وربنا يرعاك
وإحنا وراك. وإديك ف إدينا
هنجدف ......بعزم ما فينا.........
قوينا يارب قوينا......
دي بلدنا بتنادي علينا.........
نتحدي وياك الصعب
كلنا وياك...
جيش مع شرطة و شعب
نصحي ضمير بلدينا.....
و نجفف ينابيع النهب
وتفتح ...ورود أراضينا .........
قوينا يارب قوينا.....
دي بلدنا بتنادي علينا........
شمس بلدنا راح تطلع
ونفتح فيها كام مصنع
نبني و نعلي و نزرع
و السمك أهو صاحي بيتجمع
والقطن المصري راح يرجع
و بإدينا نخضر صحارينا.........
قوينا يارب قوينا......
دي بلدنا بتنادي علينا........
بلدنا ياريس..في عنينا..
نفديها...بروحنا و عنينا
والخاين مايعيش وسطينا
والمولي.. حارسنا يقوينا.
ينصرنا ...علي مين يعادينا.....
د/عمر عبد الجواد عبد العزيز
ليست هناك تعليقات:
إرسال تعليق