★★★(خلف سورها)★★★
بقلمي..حسين ابراهيم
بسمتك..
زي شمس غطت الدنيا بنورها
ضحكتك..
روضة صدحت فيها طيورها
همستك..
دي الموسيقي ودي أصولها
أنت بالنسبة لي!!!
نجمة عالية نفسي أطولها
ملكة..
نفسي تسمح لي أزور قصورها
وردة في جنينة
أنت أجمل زهورها
بس اااااه
ياحبيبتي!!!
لما ياخد الوردة غرورها
والا لما تنسي الملكة دورها
وتقسي عالعباد
وتتعالي علي جذورها
مش هيتمني..قلبي يشوفها
أو يتمني في يوم يزورها
والرعايا هيختفوا...
مش هيستنوا لحظة مرورها
ياحبيبتي....
الوردة جمالها مش في جرح شوكها
والملكة ..مكانها في قلب حبيبها
مش مكانها خلف سورها...
ليست هناك تعليقات:
إرسال تعليق