.......(( ليه يا زماني ؟؟ )).....
ليه يا زماني معاندني.....؟؟
دنا حلمي صغير وبسيط.....
بدل ما تقف معايا تساندني.....
ترميني في بحر غويط......
بحرك يا زماني ما ليا فيه مرسا........
و لا بلاقي فيه عنواني.... .
لا مركبي علي شطك بترسي....
وعايش أنا وقلبي ف أحزاني .....
و يوم عن يوم......
تزيد في عندك وتأسي......
ويفيض عليا اللوم......
وأقضي أيامي ما بين شوقي وحرماني..
ٔٔأنا مش طالب يا زمن منك كتير.....
لا طالب منك جاه......
ولا حابب أكون مليونير....
أنا أملي ألاقي حد يسمعني.....
بالي يرتاح معاه.......
ومن نظرة عيني يفهمني....
فين ألاقي قلب أهواه
ويكون من قلبي قريب.....
في همسته يلاقي قلبي دواه....
و نظرته لروحي طبيب ....
في ضحكته تتجدد أحلامي...
و بلمسته تتبدد آلامي..
وينسيني هم الزمن وأساه .....
فين يا زماني حنانك ...؟؟
أنا عانيت كتير من أسوتك.....
حرمني ليه من أمانك ....؟؟
ٔدنا مليت من كتر شكوتك......
في فرحك ديما ناسيني......
وفاكرني بس في أحزانك......
ياريتك يا زماني تصفي وتِهًَديَ.....
و بكفاية اللي م العمر عَدًَي...
تقولي في يوم كلمة حلوة .....
أو تسمعني مرة غِنوة......
لا الأيام محتاجة مِعاندة
ولا الليالي تستحمل مِناهدة ...
وسنين عمري اللي عَدًَت........
عَليًَ وعليك شاهدة............
دِ/عمر عبد الجواد
ليست هناك تعليقات:
إرسال تعليق