كوكب الشرق . بقلم \ أحمد شاهين . إهداء منى إلى روحها
يا سومه لسه بسمعك
فى الليل وانا بكتب قصيده
أحلامى عايزه ترجعك
وعقلى بيقوللى بعيده
يا بنت بلدى ما اروعك
يا أحلى من غنَى القصيده
*******************
غزيتى بغُناكى القلوب
حولتى كل شوك حرير
صوتك ملا كل الدروب
والكل ف هواكى أسير
منديل يزين أحلى توب
عشقوكى كل الجماهير
*******************
كوبليه وبعده كام إعاده
والناس بتهتف يلا تانى
الكل طاير م السعاده
صوتك عزف أجمل أغانى
بتزيد حلاوته كل مادا
بسرح معاه أنا وجيرانى
******************
كوكب الشرق إللى نور
وإللى نوره فى العلالى
بنت بلدى قمر منور
لسه سارح فى الليالى
عمرى ما أنساها ولا اقدر
عمر ما تصور خيالى
****************
وقفتى جنب بلدك
فى أصعب المحن
ضحيتى باللى عندك
علشان يبقى الوطن
الكل بروح دعالك
وبسحرك . إفتتن
***************
الرحمه من نصيبك
بدعيلك ليل نهار
مع إنى مش قريبك
ولا حتى كنت جار
لكن . مصرى وحبيبك
وحبايبك يااااه كُتار
بدعولك
ليل
نهار.
كلمات \ أحمد شاهين
10 \ 1 \ 2017
ليست هناك تعليقات:
إرسال تعليق