خايـف أقــول البنت سكـر
السكر سعــره يزيـد
خايـف أقــول البنت عسـل
تتجـنن بنـات الصعـيد
خـايـف أقــول البنت قشـطه
تبكـى بنـات بحـرى ورشيـد
ياهـوه علـى ضحكتــها تسكـر
ورقتها من نوع فريد
دا المـاس مـن جمـالها يابا
بقـى سعره ارخـص م الحـديـد
خطفتنى منى من يوم م شوفتها
دوبت من نظرتها توهنى حسنها
بدور على قلبى لقيته ف حضنها
وعقلـى سارح وفكـرى شريد
مقدرتش اقام يابا البنت نادره
وعيونها تسحر ورموشها قادره
وغرقت يابا فبحر هواها اكيـد
اهرب لفين يابا
دا مكتـوب وقـدر ونصـيب
تسرقـنى من دنيتى
وسهــم رمشـها يصــيب
واتكوى بجمر عشقها
واعيش ف نار ولهيـب
ادعى معايا يابا
ربك يقـرب البعـيد
بقلمى// صابر الطوخى
ليست هناك تعليقات:
إرسال تعليق