هيعدي علينا
الليل
..........
مش نمشي بقى
وكفاية ..
مش عايزك تاني
تغيبي ..
ليعدي علينا الليل
وتقولي أخرني
حبيبي
..........
وحشك.. أنا عارف
وإنتي ..
أكتر وأكتر
ياحبيبتي ..
لكن معلش هنمشي
وهنرجع تاني
وتاني ..
شايفاني إزاي أنا
خايف ..
على قد ما عايزك
جنبي
يقلقوا ياحبيبتي
عليكي ..
وكلامي دا من ورا
قلبي ..
وآدينا أهه بنتقابل
وآدينا أهه بنتكلم
حتى ولو كانت
لحظة ..
بنشوف بعض
وبنسلم
..........
صدقيني بخاف عليكي
ومش عايز حد يمنعك
عني لسبب من الأسباب
وعشان كدا .. لازم تمشي
دلوقي
محمدعبدالرحيم
ليست هناك تعليقات:
إرسال تعليق