مش معني إني بحبك
يعني أمسك إيدك وأقولك
وممكن غلطة مني أوحتي منك
وقتها هيموت حلمك
ممكن النصيب ميسمحش
إني أكون بقربك
متفكريش إني بخاف
خوفي بس من ذنبك
مش معني إني بحبك
يعني دايماً أشوفك
واتملي في وشك
المعني الحقيقي للحب
أعدي المستحيل علشان قربك
إنك تكوني حلم بسعي ليه
قدري لازم اشقي في حبك
علشان حبك دا حياتي
والنفس اللي عايش بيه
لازم أتعب وأجتهد
وأبني مكان نسكن فيه
نرسمه بأحلامنآ
ونزينه بلون الفرح يخليه
يعشق وجودنا
ونعشقك قربنا ليه
مش معني إني بحبك
يعني نفضل بالساعات
نحكي في سيرة فلان
وعلان فات
وحبنا اللي بنرويه بدمنا
يدبل من كتر الحكايات
والإختلافات
مش معني إني بحبك
يعني نفضل نتكلم بالساعات
نروي حكاوينا من غير الأهل ما يعرفوا
ماهي بلوة قطع التلفونات
خلي الشيطان بصيغة الحب يلعب
في دماغ الشباب ويا البنات
والبنت لخمة
من سنين ماخرجتش و ماعرفتش
يعني إيه حبي حقيقي
وحب وقت محدد
مافهمتش
إن الشباب اتغيروا
من رجولة مية مية
لناس. منتهية الصلاحية
بقلم
محمد أبو النوم
ليست هناك تعليقات:
إرسال تعليق