بمناسبة ما يسمى عيد الحب
-----------------------------------
ابعد يا حب يا حب ابعد
لا عايز عيد و لا بريدك
بهمسه ببسمه يحلا هواه
بشوق وموده اتمني لقاه
الحزن ميل يبقا هو دواه
ودمعي لوطول يجف معاه
فضلت استنى احلم واتمنى
أعيش الحب القرب و هناه
الوقت طول والصبر اتحمل
شوق وحنين قلبي بيتمناه
ومن غير محس لقتني ببص
لحد شدني في لحظة همس
خدني لدنيته يدوب بنظره
هتف قلبي و رجف بلحظه
هو ده اللي وافقني هواه
هو ده اللي عمري فداه
ف ثانيه بقيت حاجه تانيه
والدنيا جايه بفرحه غاليه
أتحقق حلمي و دق قلبي
للقلب اللي اتمنيته بعمري
عشقته وخدته ف حضني
حلفلي لا مش هيبعد عني
رويته ودي ودادي
وإدت له شمعي ليالي
وهبته عمري وحياتي
بقى وطني وكل بلادي
وصلي وكاس غرامي
هديه ليه ويا سلامي
نسيته جرحه وإللي جرحه
ف حزنه وفرحه كنت معاه
لوغاب عني قلبي يوجعني
ويجري دمعي غصب عني
دا هو اللي من الدنيا اتمنيته
لا منعته وكل الحب رؤيته
طب ليه وازاي وعشان ايه
كل ما اشوفه اجري عليه
كان حاسس بخوفي عليه
وروحي ياه متعلقه بيه
فجاءه كدا راح و سايني
وغاب عني كدا يومين
قولت اكيد بيشوقني
االهجر هأقدر وعذابه
واعيش على ذكرياته
يا ترى هأنسا ليا قساه
هأنسا كل أيامي معاه
دا اللي جه ببالي وظني
اتاريه يا ناس هاجرني
خان عشرتي ودي وقربي
باع ودادي وخان وصالي
لا صان ودادي ولا عهدي
نسي حاله من قبلي
دا ياما ع الوفا حلفلي
مكنش معايا ولا ليا
كان هواه لحد تاني
باعه رماه ليا زماني
نسي حضني ودفاه
ونسي ليالي الحنيه
غدرني هجر ولا شكر
وسرق قلبي و لياليا
بقت أيامي ف خطر
لةبعد مخني ولعب بيا
سقاني مر الحب وأساه
أتاريه غدار هواه
بجمر النار كاواني
ابعد ياحب ايوه ابعد
لاعايز عيدك ولا بريدك
خراااااابيش
مجدي فرحات
ليست هناك تعليقات:
إرسال تعليق