لا في زيك و لا قدك
و لا قبلك و لا بعدك
ولا في حد يشبه لك
يا روح الروح يا عنيا
أنا طول عمري بموت فيك
وشايلك جوه نن العين
ولو شفت في هواك الويل
ولا عمري أشتكيت منك
بحبك حب مش عادي
وأقول للدنيا كدا عادي
أنا قلبي ب هواك راضي
و أعادي الدنيا علشانك
ب حبك أيوه مش خايف
و ربك للقلوب شايف
و ب أعلنها ومش مكسوف
يا أغلي أغلي ما عندي
وقلبي في هواك سجين
و مش بأهتم ب اللايمين
و لا بأهتم ب الشامتين
عشان حبي في هواك متين
حياتي يا أغالي ما ليا
يا روح الروح يا عنيا
غلاوتك أغلي من روحي
غلاوتك عندي ب الدنيا
ما ترضي حبه و ترقي
و بلاش تعندي و تنسي
لأموت بعدك علي بعدك
من الحرمان و أتوفي
سنين راضي ب حرماني
سنين صابر علي حالي
ما دام جنبك أنا راضي
وتحلي لي الحياة معاك
حبيبتي يا أغلي من روحي
يا روح الروح يا عنيا
تعالي و ردي لي روحي
سعادتك عندي ب الدنيا
حبيبتي يا أغلى ما ليا
يا نن العين من جوه
حياتك أغلي من روحي
و حبك عندي ب الدنيا
تعالي و جددي عهدك
تعالي و جددي حبك
و ضمي قلبي أنا لقلبك
دا أنا ياحبيبتي محتاجلك
و عمري يوم ما استغني
ولا أنكر جمايلك يوم
و هافضل ع الوفاء باقي
و قلبي في هواك مغروم
كلمات الاديب الشاعر السيد علي القن
ليست هناك تعليقات:
إرسال تعليق