كلمات ساخرة
في: ميتين أم العمل
ل حربي علي
شاعرالسويس
( أرفض التوقيع )
أقسم
بالله العظيم
أنا لم :
(أعوج) بخط السير
وشارفت على الخمسين
فرجاءا . التقدير
فأنا
مازلت أحترم التعليمات
وأشتغل . بضمير
خدمت
الشركة (20 سنة)
وإسألوا
عني . كثير
فأنا
بلا فخر
أعطيت ( جل ) خبرتي
لكل . صغير
ولكن؟
ليس :
من العدل أن (أصغر) أنا
وكلا
من حولي . كبير
( إمتحان الترقية )
بيقولي :
مارحتش الإمتحان؟
قلتله . مارحتش
قالي : مش إنت
رئيس مجموعة عام؟
قلتله مفهمتش !!!
قالي :
يعني . ليك الأولوية
بزيادة دخلك والترقية
وتضحك معانا وتفرفش
قلتله :
وهوه من إمتى الحرامية
بتحقق . كل الأماني ديه
إنت لسه . زي الولييه
محرمتش؟؟؟؟؟؟؟؟؟؟؟؟
وعجبي
( المريسة )
هتقرف الناس
وح تتعب ضميرك
ح تقول بلاش؟
هنشوف حد غيرك
المهم :
تكتر من ميتين أم شرك
علشان نقدر نقولك :
كتر ألف خيرك
وعجبي
( راسمالي علماني )
نشيط وفرحان
عشان؟ خد مكاني
وأنا حزين وكسلان
وفقدت الثقة ف كياني
شفت نظامنا في الشغل؟
أهو هو ده بقى النظام
اللي: بيسموووووووه
راسمالي / علماني
وعجبي
( الكومانده)
من ناحية الأخلاق
ليا . إحترامي وتقديري
ومن ناحية الشغل
مش عارف إيه مصيري
حاكم الطيب
في الزمن ده
عندما يسأل (الكومانده)
بيقوله :
شوف حد . غيري
وعجبي
كل: مشاكل(العمل)
تنحل في إجابة السؤال ده
أنا بشتغل (معاك)
ولا ااااا
بشتغل (عندك)
( تعريف الريس )
الريس؟
يجيب حق العامل
لا يتجاهل ولا يجامل
يعني ف العمل راااجل
(الصراحة)
عنده سيف
في (الحق)
ميعرفش خوف
(الضمير)
مش مجرد ضيف
وإن عكست (الظروف)
مايمشيش
زي المرااا . الحامل
وعجبي
( شاي المحبة )
والله العظيم
عايزين مننا
نلغي . الضمير
وناكل حرام زيهم
بس . مش كتير
يعني؟
(نشتغل حبة)
ونشرب (سيجارة حبة)
ونصب (شاي المحبة)
لأتخن . مدير
وعجبي
( حب الذات )
إنت عارف؟
بعد :
العمر ده كله
(بحب أشتغل)
بإيديه ليه ؟؟؟؟
عشان أوريكم
(قمة فشلكم)
وحب الذاااات
اللي إنتوا. فيه
( كلمة عبيد )
الشغل
مابيوقفش على حد
كلمة
عبيد شغالة عند عبد
طب خلوا (المكن)
يشتغل لوحده؟
مهو إنتوا لو ماكنتوا
مكناش.
(صدقنا الكلام ده)
ولا الهزار إتقلب . جد
وعجبي
( حديد جامد )
من أربع فرامن
(صفصفوا) على واحد
لا طلعوا . تلاته
ولا حتى مساعد
والكبار؟ (كل سنة يترقوا)
بالكتير سنتين / فاسد
وواحد شاهد
شاهد على إيه؟
شاهد على نفسه
بس أكيد ح يكون جاحد
(ينكر خير الحرامية)
ويقول: لوحدي أنا مجاهد
قال يعني؟
(جاهد في فلسطين)
مش في: العمل / للدين
و (الوحيد) اللي: بينتج
(حديد جامد)
وعجبي
( من غير حب )
كل
مابزعل/ بشتغل
الحمدلله
(ضميري)
عامل (تقل)
بحب بقى
(من غير حب)
بصراحة
معنديش أمل
وعجبي
( ضميرصعايدة )
جاني
السكر هنا
والقولون
العصبي في سنة
بس الحمد لله
لسه ضميري في قنا
( المدام حامل )
بقيت (جد)
والمدام حامل
ولسه في الشغل
يادووب . عامل
عايز تقولي:
( الفقير يجيب واحد )
هقولك :
يبقى ( الغني )
( يجيب فريق كااامل )
وعجبي
( الفشل )
الفشل
حطم آمال الناس
والأمل
بقى أفشل من :
ناس كتير . ع الرأس
بس أنا اللي عشمي
في ناس كتير بالعمل
وكل ماأشتغل أقول :
مسيرها تؤمن
بإن: فيه إحساس
وعجبي
( أكل عيشي )
صبرت على أكل عيشي
لغاية . ماخسرت نفسي
رجلي مش قادرة تمشي
وصحتي بتمشي عكسي
مهو طول
ماضميري مستريح.
طوول مازميلي
ح يحب يٱسي
وعجبي
( عادي جدا )
فاشل
وواخد هندسة
سافل
وصاحب مدرسة
والله العظيم
عادي جدا
مدام تعليمه :
(مش موصول بالدين)
ولا
بأي حاجة كويسة
وعجبي
( تعريص على كبر )
ح بقى (جد)
ولسه.
مابقيتش (ريس)
ماتقولش: لحد
أنا قربت (أعرص)
( حتى ولو كان )
عندي الشغل
بإيدي أرحم بكتير
حتى :
ولو كان تعب علي . سني
أنتم : ولاد وسخة
عاوزني أبيع الضمير
عشان ابقى ريس. أو كإني
حد الله
مابيني ومابينكم
مدام إنتم عايزني.
أتساوي بالناس
اللي خاينين :
الوطن والدين . وخاينني
وعجبي
( أمل من هم )
مابيكملوش (المسيرة)
غير في الخراب والظلم
وبيظلموا (ناس)
كتيرة ولا كأني فيه: دم
مهندسين
ومش عايزين
يغيروا (السيستم الفاشل)
عايزني أنا؟
أصنع (أمل) من هم؟
( خمارة ياني )
جيت (فني)
وهطلع ع المعاش / فني
ودي ٱخر خدمتي
في : (خمارة ياني)
سكراااااان
(حتى من غير ما أشرب)
لا فاهم
(عملت إيه)
ولا عارف مين (بيظلمني)
وعجبي
( معاش ولاكان )
هطلع
معاش وأبدأ
م الصفر
بمرض مزمن
وعلاج للفقر
ومصروف جيب
في : علم الغيب
بس أكيد فيه عيب
طالما.
إرتفعت أسعار القبر
وعجبي
( صفرمن عشرة )
شعب
مايهمهوش اللي مات
ولا أكل من الزبالات
ولا شغلة تقيم الذات
يبقى أديلو . صفر
في حب البلد.
وإيمانه بكل الديانات
وعجبي
( عالم صايعة )
دي عالم
صايعة يابا
إنت مش قدها
كله بيلعب لنفسه
مش للأمة نفسها
صعبانة عليك نفسك؟
طب.
ماباعوااا. قدسك كلها
وعجبي
( أيام خرة )
لو طلعت ع المعاش
مش عايز حد يكرمني
وإن مت والكل عاش
محدش. يكفني
كانت أيام خرة
(إتظلمت فيها)
وكل ماجيها. تذكرني
( نهاية قفة )
لف الزمن . لفة
من بعد ماكنت
في اللفة
رماني في الزفة
سمح لي
بحضنك. أدفى
خلفت دي الخلفة
دمي أنا. إتصفى
شالوني
إتنين بالظبط
كما . القفة
وعجبي
( خلي عندك كرامة )
قالي: (ماله)
وهو حر فيه
قلتله ليه؟
مش فيه عقد بينا؟
وقانون عمل بيحكمنا؟
والمصنع بتاعه في بلدنا؟
بلاش كلام الشحاتين دا
وإسلوب عبيد ملوش لذمة
إنت زي مابتاخد . بتدي
عرق جبينك بتحولو. لنقدي
إنت صاحب . البلد دي
(خلي عندك كرامة)
ح تشحت ؟ يلا السلامة
لا حيلة في الرزق
ولا شفاعة في الموت
ليوم القيامة
كلمات
حربي علي
شاعرالسويس
ليست هناك تعليقات:
إرسال تعليق