قصيدة بعنوان
(أكتب إيه؟؟؟؟!)
أكتب إيه.
لما الكتابه
معدتش
أكتب إيه
لما حروفي
كل مدى واقفه
عاجزه والمعاني
مشلوله مني
بس هاكتب على
العموم......
مفضلش مني
غير آهات
وشوية من
حبة أنين.
وكراكيب مدوراني
في ساقية وسكة
هموم ومشيلاني
حمل فوق طاقتي
وأجي أشرح له
حالي بارضو
يقوم يجرأ ويلوم.
ويشكي مني رغم
إني طول حياتي.
من كفي بيشرب
عسل وهو بيسقيني
السموم عمري في
حياتى ما قولت لأ
فى طلب كان
هو عاوزه
طول عمري
ملك إيده
وتحت أمره
وهو يقدر
يقف قدام مرايته
يسألها
ولما أجي
أشرح ظروفي
يكشر وبوشه
يزوم.
قولت له ألف مره
الظروف أقوى
مني أنا عارف
إن الحياة عليك
صعبة بس نفسي
تقدر ظروفي
مش بإيدي والله
لو بإيدي صنعت
ليك ورب الخلق
النجوم
وخليتك تاج فوق
راسي إنت لو تعرف
هو إيه قدرك عندي
حمامه بترفرف
في أنحائي وجوا
مني وبين ضلوعي
وكل حاجه ليك
في قلبي
عمري ماقولت عليك
في مره
إنت نحس
أو شكل بوم.......
والله إنتي حبي
مين أعرفه في
حياتي غيرك
مشكلتي عجزي
أقوى مني
لو غلط في
حاجه سامح
ربك بيسامح عبيده
السماء في لحظة
تصفا السحابة
بكره تنزل مطرها
تغسلنا من عيوبنا
وتتبدد بعدغمه
كل الغيوم.......
العقل
من تفكيره هنج
وعقرب الساعه
واقف والقلب فاضله
لحظه و لدقاته
يقدر يقوم.
ال أقدر أقوله
لنفسي سلمت أمري
لربي وفوضته
في كل أمري
هو أدرى بحالي
وضعفي والصبر
مفتاح الفرج
كل شيئ مكتوب
وجايز بكره أحلى
من النهارده
وإيه يفيد
بعد المحبه إننا
نفضل خصوم.
الضحكه بتنسي
المواجع وال رايح
بارضو رايح
وال جاي ماحد
عارفه وقسمه
قسمها ربك
على الجبين
مقسوم.......
والعيون لازم
تشوفها
قدر ومكتوب
علينا مين من
الخلق كان بيظلم
ومين طول حياته
مظلوم........
أكتب إيه.
لما الكتابه معدتش
بتزيح الهموم......)
31/3/2023
(ترنيمات وخواطر. بقلم.......)
(شاعرالعاميه/خيرى حسنى)
ليست هناك تعليقات:
إرسال تعليق