قصيدة بعنوان
(السعادة؟؟؟)
السعادة
مش بكام
وهات وخد
ولاتشتره.
السعادة تبقى الدنيا
مدهولاك
ومعذباك
ومحطماك
وانت واقف في وشها
زي الحديد واستحالة
انها تقطمك
السعادة نعمة كبيرة
من ربنا
الوش بيضحك
والبسمة طالة
من سحنتك والآه جواك
بتشرخ جوا صدرك
الناس تشوفك
تحسدك وبعد أكيد
العثرة فيه من
ربك ميسرة
السعادة عطية.
رغم ديونك
ورغم هموموك
ورغم الذل ال انت
فيه راضي بقضاءه
حمده وشاكره
لأن لسه فيك عيون
بتشوف ورجلين
بتمشي
بتقوم تروح وتيجي
الدنيا مواقف
شوف كام مرة
ليك ربك أعذر
وأنذرة
السعادة.
زوجة صالحة
مهنياك.
رغم الصعاب
تشدطولك
تقف في وش العالم
كله لأجل خاطرك
في محنتك
وفي شدتك
ولما تعوزها تلاقيها
ورده تشمها
تطببك وتلملمك
تمسح دموعك
تشفيك بكلام
يسرك وتطول عمرك
مش تقصره
ومش كلام في
سوق ومنظرة
السعادة.
لابكلام ولا بلغة
ولا بمعاني.
ولابحروف في بيت
بشعر داخل قصيدة
السعادة راحة
بال حتى لومعاك
كنوز الدنيا
كلها وانت مش قادر
تهرش باظافرك
وتحك جسمك
وصحتك متدهورة
اكتب ايه عن
السعادة كلام
كتير لازم أكتبه
أفضفض بيه داخل
قصيدتي
ليك بنت حلوة
من صلبك منوراك
رافعة راسك لو هي
بنت تسأل عليك
ضحكتها تشرح
القلب العليل
ليها طلة نسمة
للعليل تهفهف
عليك تفوح بشذاها
وعطرها.....
الضحكه منها
لو فيك أمراض الدنيا
كلها تنسى بانك
طريح الفراش
من سنين
وولد جميل يسمع
كلامك يفرحك
يصلي فرضه
وبالعزيمة ما أشطره
السعادة عكس
خالص النكد
والعكننه وزي ماقلت
في بادئ قصيدتي
لاتباع ولا تشتره
السعادة
1/4/2023
(ترنيمات وخواطر.بقلم.........)
(شاعر العاميه/خيرى حسنى)
ليست هناك تعليقات:
إرسال تعليق