خايفة
مخبيش عليك
خايفة من كتر حبي
يا حتة من قلبي
والأكتر إني بشتاقلك
الحنية اللي في كلامك
حتي سلامك
حلاوة غرامك
والنظرة اللي في عينيك
خايفة من يوم مقدرش
علي الشوق اللي ماليك
من يوم معرفش
متصورش تهون عليا
أو في يوم أهون عليك
بجد معاك بطير
شوقي دايما دايما سابقني
ومش لغيرك
حسيت بنفسي بس بيك
معاك بطير
وكتير تلاقيني غصب عني
عليك بغير
من غير مبرر ولا أسباب
من غير تفسير
أيوة معاك بطير
وابقي في حضن السحاب
ألم شوقي
أجمع حروفي
تطلع كتاب
أقولك تعال وكفاية بعد
بخاف كتير من الغياب
تصدق من غير قسم
شعوري بيك حلم جميل
حرف بملامحي اترسم
ولما بحزن ألاقي طيفك
يطبطب علي قلبي ويبتسم
تحلو أيامي
يتجمل بيك سكوتي وكلامي
ويروح مني كل الألم
يا حلم عشت العمر
أحلم بيه ومعشتهوش
يا نبض قلب
منقوش بحب
قبلك والله محستهوش
أنت الحب
وأنت عمري
وأمل حياتي اللي ماطلتهوش
خايفة
لالالا مبقتش خايفة
كفاية عليا إحساسي بيك
كفاية شوقي
أوعدك كل ما اشتاقلك
روحي تندهلك
مجيش علي مهلك
والله كل العشاق
بيحسدوني عليك
أحمدعبدالحق
ليست هناك تعليقات:
إرسال تعليق