حبيتك .. بس أدينى الأمان .......
*******
حبيتك أكتر من نفسى.........
وقلت خلاص هسيب ليك نفسى......
لكن خفت تضعف منى نفسى ........
أصلى أنت الهوى ........
اللى بتتنفسه رئتى .......
بحتاجك أكتر ما بحتاج نفسى .......
حبيتك وسلمتك عمرى .......
بشرط أوعى تخنى ......!!!
أوعى تبص لواحدة تانية ......
لابسه الجنز ماشيه بالعافية.......
هوه الأمان عندك ايه؟؟؟؟........
هتروح تتجوز واحده تانية؟؟؟......
أدينى الأمان عشان أحبك ........
أدينى الأمان من غير كلام .......
أدينى الأمان بالأفعال .......
أدينى الأمان من غير خيال ......
أدينى الأمان من غير جدال.....
لو كده هحبك وهستناك ........
وهديك نفسى كل يوم ......
لو حسستنى بالأمان .........
مش بالكلام ولا جدال ولا خيال ......
عايزه أحس معاك يا راجل .....
بإنى حمامة سلام ........
حسسنى فى حضنك وصدرك......
إنى هنام فى أمان........
من غير ما تسكت لالالالا .....
لازم معسول الكلام .........
أصلى حضنك من غير كلام .......
هيبقى اكيد أى كلام .........
لكن بالكلام يبقى ولا الأحلام ........
أوعى حبيبى تزعل من الكلام .......
إحنا كده ..نحب نستسلم فى أمان ......
وبحب أضمن متبصش لغيرى .....
ياه... فين ستات بتوع زمان ........
كل اللى قدامك دول .........
ستات من غير أمان .......
الواحده منهم ممكن تنفجر .......
وايه ..تحرق كل المكان ......
اسمع بقى حبيبى الكلام ......
أوعى تدور على غيرى .......
مش هتلاقى ولا فى الاحلام .....
أنا ستوتة من غير أجنحة ولا تيجان.......
عاجبك ...عاجبك ......
لو مش عاجبك حبيبى ......
برضه هتنام جنبى وفى أمان .......
بس من غير كلام .......
بقلم عمر ابوعميره
ليست هناك تعليقات:
إرسال تعليق