.
.............((( ست الستات ))) ........
ست الستات مين يشبها
في جمالها ولا في طلتها
مطرح ما تخطي خطوتها
تطرح الأرض في سكتها
والدنيا تغني في سيرتها
ست الستات مين يشبها
لو تاخد نظره من عينها
القلب يغني في جمالها
ست الستات و الروح والقلب
ياجمال ضحكتها يا حلاوتها
من خوفي عليها لأحسدها
ربنا يحميها و يحرسها
ست الستات مين زييها
بتحاجي دايما علي بيتها
أصيله مهما تشوف الويل
ولا تعرف أبدا شئ عنها
بتشيل في المره وفي الحلوه
ولا يمكن تحكي بلوتها
وأن مر يوم أو مر سنين
تلاقيها صاينه كده بيتها
ست الستات و العين والراس
لو تطلب روحي أديلها
وأن مال الحال عليها وضاق
لا يمكن تشتكي لجارتها
تصبر وتعيش علي قد الحال
و تراعي ربنا في عيالها
وش الخير والنور والسعد
صبرت والصبر أختشي منها
ربنا يكرمها و يسترها
و تعيشلي دايما و أسعدها
ست الستات و العين والراس
أنا هفضل دايما طوع ايديها
لو تطلب مني نجوم الليل
أو تطلب عمري رح اديلها
تستاهل أغلي ما ف الدنيا
و حياتي وروحي فدا عيونها
حبيتها بجد و من قلبي
وفي دمي بيجري كده غرامها
ست الستات مين يشبها
لو تطلب روحي أعطلها
و أكون مبسوط وادعلها
ربي يسعدها في جنتها
ويبارك ليها في دنيتها
و الفرحه تكتر في حياتها
ست الستات مين يشبها
ده الأصل الطيب منبتها
ولا عمرك يوم تسمع صوتها
ولا عينك يوم تلمح عينها
ولا مره تبص فيها لفوق
ولا تعلن طيبها في مشيتها
ولا ترمش ثانيه ف سكتها
و تخاف علي دينها وآخرتها
ست الستات و الروح والقلب
ب عشقها والله لطيبتها
ربنا يحميها و يحرسها
من عين حسادها وعوازلها
كلمات الاديب الشاعر.د/ السيد علي القن
ليست هناك تعليقات:
إرسال تعليق