(هدني الحيل؟؟؟؟)
هدني الحيل
وإتهزمت من المحن
واتدهورت همتي
شديت رحالي
وحان الوقت
أهجر الوطن.
وبدأت أكره دنيتي
في العلن
وبدأت أبوح عن جروحي
وعن ال في
قلبي سكن
وبدأت أنادي بدون
أحساس ما يهزني
ومشاعر تايه
بدون أشياء
ما تردني......
صوتي والبحه مكتومة
من الالم ومن الوجع
كيف هجرني
وكيف كرهني
وكيف بعدني
وبدأت أنسى
كان إيه وكان هو لي
ولا كان محسوب
علي زي أي حسبة
من الزمن
هدني الحيل
وانطوت صفحتي
واتمحى اسمي
من الدفاتر والعنواين
وشارع كان لي
سيرة مع الجيران
الطيبين........
طيبتي في القرية
والبلاد حتى
المدن.....
وانسيت مين محاني
ومين نهاني
ومين بدأني
ومين فرحني
ومين حزني
ومين حضن .
حبيت أقول
وأحكي مع إني
منيش حكواتي
ولا غاوي أقول
قصص حبيت أفضفض
مع ال كانوا لي
في قلبي مأثرين
مع إنهم كانوا
لي مقصرين
في حبهم
وفي ودهم
وفي عطفهم
مع إني كنت ليهم
قلب وحياة
ودم وأوردة وشرايين
وأول معين
هدني الحيل
والدموع على الخدود
نزلت مطر
وسألت نفسي
مية سؤال
إزاي أنا هنت
وكنت ليهم انسان
خطر كانوا في
خاطري وشاريهم
مع إني عمري ليهم
ما على البال ولا
حتى مجرد
خطر.....
هدني الحيل
والشعر كساه الشيبه
والضهر من إعوجاجه
إتعجن
وبدأت ألملم ضحكتي
وحاجاتي وذكريات
كتيرة نسيتها
من الوهن
وبدأت اشتري نفسي
وأحاول إني أقدر أتوب
من الذنوب
لاني مش واخد
من الدنيا في النهايه
غير الكفن
والروح ستصعد
في يوم ما إلى ربها
والقبر بيت
الدود وسيأكل
البدن..........
والكل زائل بإذن ربي
من منا محشره جهنم
والعياذ بربنا ومنا
إيضا نعيمه جنة
عدن.............
اللهم اجعلنا منهم
وان كنا مقصرين
وإجعلني مع
صحبة محمدا
خير الشفيع
وخير الأنيس
وخير الجليس
دا بعد مشيئة ربي
إذا أذن.
هدني الحيل
واتهزمت من
المحن..........
20/5/2023
(ترنيمات وخواطر/ بقلم...........)
(شاعر العاميه/خيرى حسنى....)
ليست هناك تعليقات:
إرسال تعليق