........
...((( السنين العجاف )))........
شد الحزام شد الرحال
سنين عجاف ولا جفاف
ولا البشر أصبح يخاف
ولا الشباب شعره شاب
الكل فينا صبح معاب
ولا حد فينا فضل مهاب
غير اللي يملك الحساب
من السياسي للكلاب
أم اللي في أيديه الكتاب
يأمر يطاع أو يجاب
سنين في غاية العذاب
ما بين هموم أد الجبال
أو بين حمول فعلا ثقال
تهد البشر قبل الجمال
أجلد يا جلاد البغال
أجلد في أحرار الرجال
جوه السجون ورا البيبان
واياك تكف وهات كمان
الصبر آخره في الميدان
بثوره تانيه ع الحيتان
و ع الدولار و الامريكان
وع اللي باع و اللي خان
و أصرف لنا سنتين كمان
أو هات لنا جوزين حمام
أوجزمه لابن أخت المدام
أو زيت و رز مع السلام
و أدينا بس ب احترام
حبة موده بلا أنتقام
نسينا أيام العذاب السقام
يا أم لعنه ع اللي الوئام
وألف لعنه ع الحوار بالتمام
و بلاها نصرف ع الهوانم
في المؤتمر أو ع الكوامل
خلينا نرعي في الأرامل
أو ف الهمم ذوي العاهات
وسيبنا طيب م اللي فات
يا سنين سواد علي عجاف
عايشين علي أد المعاش
والعيش بناكله حتي حاف
والعيشه أكتر م الكفاف
الرحمه هنموت بالجفاف
الرحمه هنموت م العفاف
كلمات الاديب الشاعر.د/ السيد علي القن
ليست هناك تعليقات:
إرسال تعليق