قصيدة بعنوان
(أمي......؟؟؟)
لو هكتب عنك إنت
كل الكلام ما يوفكيش.
الحروف هتبان صغيرة
هيطير كأنه ريش......
لما ألملم كل حرف من
حروفي وأكتب عنك
وعن حقوقك جوا
مني عن وفاء وعن حنان
ودعوة منك دي حروف
ودا كلام ودي بيوت داخل
قصيدة وبكل الحروف
ما تتقدريش.
لكني هكتب فأعذريني
وإتقبلي كل الحروف.
وكل المعاني وأتصوريها
كما شأتي إن
قبلتي فأقرأيها
وإن رفضتي ما تقرأيش.
يكفيني أقول لك إنت
أمي إنت دعوة من غيرها
ليك معرفش أعيش.
معرفش أكون معرفش
أمشي معرفش أروح
ولاأجي مثلا
كل البيبان متسددة
وكل خطاي متعثرة
فأدعي لي ومتزهقيش.
وعن حياتي متدوريش.
يا أما رغم غربة طالت
مداها إنت ليك جو
مني كل حاجة
ربنا يطول بعمرك
طيبة وقلبك حنين.
الله يلعن أبو إل جابو
ال يشوفك أو يعيش
معاكي أو يجاورك
أو يلمس حتى توبك
أو يشم نفسك إل طالع
من جوا صدرك
يلعن أبوه لو محبكيش.
إنتي غاليه قطعة
من فؤادي جنة الله
في أرضه يكفيني
أقول لك إنت أمي.
إنت خيري إنت أرضي
وإنت داري وأنا كلي منك
لو لاكي قسما بالله
ربي كان زمانك
ما شفتنيش لكن إبنك
وتصدقي أني البكري
ليك يا أم خيرى
كل عام وانتي بخير
مع التحية
وإن رضيت علي
يرضا ربي فإرضي عني
ياهمزة الوصل بيني وبينه
إن غبت عنك
فسامحيني دا مش
بإيدي ومتزعليش.
20/3/2023
(ترنيمات وخواطر.بقلم............)
(شاعر العاميه/خيرى حسنى.. )
ليست هناك تعليقات:
إرسال تعليق