أصناف البشر
في ناس بتعدي علي قلوبنا
ب تأثر و تعلم فينا
وأن غابت عنا أو سافرت
توجع قلوبنا وتكوينا
و تعدي ليالي علي فراقها
ولا شئ في الدنيا ينسينا
و كلامهم لينا و مواقفهم
دايما ب تمر علي عنينا
قناديل بتنور في حياتنا
و تئيد عتمتنا و ليالينا
وأن جبنا يوم في سيرتهم
مع حد ب يعز علينا
ترقص ايامنا من الفرحه
و الدمع يزغرط ف عنينا
و ناس من كتر أساوتهم
نتمني تغور من حوالينا
ونغمض و نفتح عينا
ما يمروا يوم علي حوارينا
و ان جبنا يوم في سيرتهم
توجع قلوبنا و تدمينا
و في ناس في الدنيا غلاوتهم
تسعد قلوبنا و أرواحنا
و كلامهم حاجه تفرحنا
و تروي قلوبنا و تسقينا
وإن مر العمر أو عدي
تفضل حكاوينا تذكينا
و تداعب فينا أحلامنا
و ترجع لينا أمانينا
وفي ناس بتخون عشرتنا
و العيش و الملح وليالينا
و لا يطمر فيهم لقمتنا
و عنيهم ع اللي ف أيدينا
و إن شافوا مره فرحتنا
ب تطفي نيرانهم أيامنا
ناس بتخاف علي فرحتنا
ب تضلل و تحاجي علينا
و ترد غيبتنا و تحمينا
ولا مره ب تقطع فينا
وفي كل مناسبه تلاقيهم
خطاويهم سابقه خطاوينا
بيخافوا علينا ب قلوبهم
و جوه عيونهم تلاقينا
وإن قلنا عليهم ما قلنا
في الخير و الله ما يكفينا
ربنا يسعدهم و يصونهم
و يحقق ليهم و ما لينا
كلمات الاديب الشاعر.د/ السيد علي القن
ليست هناك تعليقات:
إرسال تعليق