صباح الخير يا أمي
.صباح الخير يا أمي
يا شايلة في الحياة همي
يا واخدة روحي وياك
صباح الخير يامعاليك
بحن لنظرة ف عنيك
بحن لضمة في حضنك
وأحن لكلمة من صوتك
وشوقي لقبلة من خدك
وشوقي للمسة من إيديك
تساوي الدنيا بما فيها
تساوي الدنيا بما ليها
يا ست الكل يا أمي
يا سابقة الكل بجمالك
سنين يا أمي فايتاني
سنين يا أمي سيباني
لوحدي آآسي في زماني
و أنا يا أمي ماليش غيرك
يخفف حملي و همومي
وناسيه إنك سبب سعدي
وفرحة قلبي و عيوني
و ياما شوفتي يا أمي
و أنا بأكبر قصاد منك
وأنا بأمشي قصاد عينك
ولما انجح أجي أجري
تضميني في أحضانك
ولما تحسي بي آلامي
أشوف الحزن في عيونك
تباتي الليل تواسيني
تداوي جرحي ب حنانك
لسانك يدعي يا أمي
إلهي يفك لك كربك
وأفتح عيني علي حسك
واسمع صوت إبتهالاتك
يطيب قلبي تطيب روحي
كأني أخدت من روحك
صباحك خير يا أمي
صباح الورد علشانك
تهون الدنيا يا أمي
و ترخص تحت أقدامك
كلمات الاديب الشاعر السيد علي القن
ليست هناك تعليقات:
إرسال تعليق