(لو بإيدي؟؟؟؟)
لو بإيدي
كنت شيلتك
من على وش الدنيا
في قلبي.
كنت خليت كل نبضه
ليكي ودقاته
القوية.
وكل حاجه برضو
فيه حتى لو كان
بيعاني من جروحه
أو آلامه أو ضعفه
من بعد قوة
بس عيبك.
إنتي ناسيه.
كل ذكرى حلوه
كانت
أو بصراحه
مش عارف
قلبي عامل ليكي
إيه لو إنه
حبك وعاشقك
ومتيم بيكي
وأول
مرة في
حياتة يفتح
على أول حب
ليه.........
ومع إنه طيب
وإنه هادي
وإنه عادي زي أي
قلب طيب.
والغريب إن الحياة
يومين يوم وعدى
وإل جاي في إيد
ربي يا تلاقيني.
يا أبقى أكون
من إل راحو
أو ياريت أحسن
سيبيه.
خليه يعيش اليومين
بدون عذاب
أو آلام أو جروح
أو دموع نازله
تصرخ على خدوده
وتكويه
جوا في عينيه
لو بإيدي.
كنتي ولعت صوابعي
شمع وحرقت نفسي
عشان تعيشي.
وبالك رايق بدون
هموم أو مشاكل.
بس فقري سبب
عجزي وإيدي
مش طايله عشان
أجبلك حلم.
كنتي بتحلميه.
حلمي كان على
كد طولي.
وكد حجمي
على مقاسي.
إن أكون مع واحدة
حنونه بقلب
أبيض بافته
بيضه زي ملاك
وأنا طفل ليكي.
وإنتي بحب.
تحضنيه.
السعادة في مرها
بندوقها حلوة
رغم مرارتها.
بس حلوة لما تشوفي
إبنك بيقول ياماما
أو ليكي بنت عروسة
تفرح تنادي
مامتي صرتي
أم مسؤوله عن
أسرة وعيله
وليك دور بين
حبايبك بتشرحيه
وتقولي لي
مين ولي فين
ولي سين
ولي صاد
وحروف كتير.
من وحي خيالك
تتخيليه....
لو كان بإيدي
كنت جيبت
ليكي نجمة تتضوي
ليلك وتتضوي
حياتك بس مشكلتك
كتير علي كتر
الهموم وحمل تقيل
فوق كتافي.
فوق طاقتي
بتطلبيه.
لو بإيدي كنت
جيبت ومش هاقصر.
وإنتي عارفه.
بين ربك وبينك
واضحه زي عين
الشمس.
شوفي نفسك.
وأقعدي معاها وإسأليها
خيرى مرة قصر
في حاجه
كان بيزحف على ركعبه
ويعافر عشان يصلب
طوله ويحرم نفسه
من كل حاجه.
بلقمة حاف جوا
جوفه.
وإنتي قلبه
بتمدغيه.
وياريت تقولي
إني حبيبك
أو شاغل ليكي
عقلك وتفكيرك
أو ضحك في
وشه تشرح
قلبه وتنعنشه
ويعيش لو حتى
ساعه بدون
مواجع تنغص
حياته لو من ورا
قلبك تتضحكيه
أهم حاجه إن
نكشر أو ننكد
وإستحاله نقول حمدنا
ونقول شكرنا غير
منين نجيب.
وكأن بنك دولي.
وأنا صراف آلي
وكرت فيزا
بتسحبيه.
لو كان بإيدي
15/3/2023
(ترنيمات وخواطر.بقلم.............)
(شاعر العاميه/خيرى حسنى...)
ليست هناك تعليقات:
إرسال تعليق