أرتباطي بيك
أنا حبي يا أمي ليك
من قبل يوم ميلادي
و أرتباطي بيك
كان أرتباط مش عادي
أنا عشت جوه قلبك
تسع شهور ميلادي
وشربت يا أمي منك
و كبرت من رضاك
ويوم ما جيت يا أمي
للدنيا كان ميلادي
رضعت يا أمي ثديك
و رضعت كمان هواك
والحبل السري يشهد
مدي حبي و أرتباطي
ما أنا حبي يا أمي ليك
من روح قلبي و فؤادي
وشربت يا أمي حبك
عطف و ود و أماني
ولسه يا أمي عايش
و الله أنا ب برضاك
والبركة اللي ف حياتي
دي من بركة دعاك
و حياة حبك يا أمي
والجنة اللي في خطاك
لأفضل دايماً تملي
آدعيلك في صلاتي
و أسأل ربي يا أمي
يكون كريم معاك
يكتب لك قصر عالي
في الجنة يا حياتي
كلمات الاديب الشاعر.د / السيد علي القن
ليست هناك تعليقات:
إرسال تعليق