.......((( أوعدك ))) .......
أوعدك وانا وعدي دين
تفضل حبيبي مهما يكون
أوعدك و أحلف يمين
تسكن بقلبي طول السنين
وأن مر يوم أو يومين
تزيد غلاوه و أزيد حنين
وان غبت عني ثانيتين
تبكي عيوني دمع عين
وأسأل عليك بشوق ولهفه
وأعرف خطاك لو حتي فين
ولما روحي تلاقي روحك
نفضل لبعض مشتاقين
تسهر عيوني أنا وجفوني
و تبات قلوبنا مغرمين
وآمني قلبي وآمني روحي
بكلمه حلوه و نظرتين
و تجيني تاني مع الأماني
أنسي ألامي و أنسي الأنين
وتنام عيوني ف حضن قلبك
و أحنا سكاري عاشقين
ونهار يعدي و بعده ليل
و الحب بينا يزيد حنين
و أفضل أمني قلبي تملي
أصحي ألاقي قلبي حزين
أقول لروحي بلاش تنوحي
و بلاش يا قلبي للوعد دين
وكفايه بحلم أني أشوفك
يجيني طيفك أقول آمين
ياريت يا قلبي تسكن بقلبي
و تعيش معايا طول السنين
وأرجع لوعدي والوعد دين
واقول يامين ينصفني مين
وأنا اللي دايب فيك حنين
وصبرت ياما ع الآنين
كلمات الاديب الشاعر.د / السيد علي القن
ليست هناك تعليقات:
إرسال تعليق