قصيدة بعنوان
(إل يعرف؟؟؟؟؟)
إل يعرف مين.
تكوني في الدنيا
عمره ماتاه......
ويقدر يبقى عرف
ربي وفضله
في سماه.......
وإل فات ونقصه
حاجه أمه عنده.
وربه هداه......
وإل كانت وربه
إفتكرها
يدعي ويطلب من
ربه رضاه....
إل يعرف مين
ويقدر..
يروح ويركع تحت
منها ويبوس إيديها
وش وكفاه......
يبقى صلى وصام
وزكى وربه للخير
فاض عطاه.......
إل يعرف مين
ويقدر.
إل بتضحك له في
وشه وهو ليها
يقوم يكشر
خدوا مني إستحالة
تقوم له قومه
وتبقى حانة
يوم قيامته
مهما كان مين
وراه........
أمي كنز رغم ضعف
أمي سد في وقت
ضيقه ومش
بتفرق مين
بناه........
هي حالة نادرة جدا
بتعطي اللقمه رغم
جوعها تعطي تعطي
وهي مش فاكره
مين مخدش ومين
معاه......
إل يعرف مين
ويقدر.....
هي جنة وهي آخرة
هي أم ربت وعانت
كسرت كل قيود
شبابها كبرت معاك
كانت تقوم في
عز نومها تلملم
غطاك تبوس
جبينك لو بقبلة
تدعي وتقول ربي
ياخد مني عمري
ويمده ليك
عمر ومداه...
بس عيبنا بننسى
ديما مين بدأنا
ومين نهانا
وكل الناس بالرخيص
باعتنا وهو بالغالي
إشترانا مين
كرمنا ومين عطانا
مين تعب صبر
وقهر وذل.
وجوع ومين كافح
لأجل نكبر ومين شرب
في حياته مر ومن الحلو
بإيديه سقانا.
مين ضيع
حياته يجري ومين بروحه
قام فدانا مين قسم
بإيديه رغيف لي نص
وأختي نص
رغم عوزة ورغم فقره
المهم يكمل غدانا
هو عيبنا بننسى ديما
فضل مين كان
ورانا فضل مين
قوى عودنا
وشد حيلنا
وصلب طولنا
ومين تعب وأسس
بنانا......
أم ثروة لا تقدر
بأي مال
ليها قلب بيضخ حب
حنانها فايض
على الكون بأثره
يا حظه يا سعده
ويا هناه لما تكون
له أمه عنده
يقوم يقدم خدمه
ليها ولو صغيرة
وصغيرة جدا
وهي تفرح
وتبان ضحكتها
تبقى بركة
عمت عليه في
وقت كرب وقت شدة
وقت هم ربك
يزيح عنك ويستر
وكل الابواب في
وشه تفتح
أم بين أيديك
يا صاحبي ورب
ليك أدرى بعبيده
في علاه...........
21/3/2023
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق