حفلة تنكرية
-----
لبست بلطو جدى .......
وحطيت عمة ابويا على راسى......
وشديت قناع الزمن ......
ورحت الحفلة التنكرية ماشى ......
رحت ماشى على رجليه......
لقت يا خويا كل الناس واقفين .....
لابسين أقنعة ذييى ........
قلت فى نفسى وأيه يعنى .......
عرفونى كلهم من بالطو جدى ......
كلهم عايزين يدخلوا......
جوه جلــــــــــــــــــدى ......
عايزين يشيلوا عمة ابويا .......
من على راسى وكتفى .......
شفت الضحكة الصفرة .....
شفت النفاق فى الحفلة.......
شفت الرياء والخسة .......
شفت اللى محدش شافه بالمره ......
لمٌت نفسى الف مره ........
ليه اللبس بالطو جدى ..؟؟؟؟
واحط عمة ابويا على راسى ..؟؟؟؟؟
دول ما يتعوضوش تانى .......
زمن الصدق والضحكة الحلوة ......
زمن الطهارة والانسانية ......
زمن الصفاء والحنية ......
زمن تروينا فيه رشفة ميه .......
وأيدنا فى أيد بعض ......
من غير قناع ولا محسوبية .....
دلوقتى الضماير اتغيرت.......
بقى كل واحد همه نفسه ......
وكتروا اوى البلطجية ........
مبقتش عارف مين الحرامى .....
ومين اللى لابس طقية ......
مين هما المخبريين......
ومين الحرامية .......
آدى يا سيدى الحفلة التنكرية .......
اللى عايشين فيها للاتى .....
بنسرق ونكدب على بعض ....
ونقول كده ميه ميه ........
اه فعلا 100/100 .........
مبقتش عارف مين القاضى ..
اللى هيحكم على العربجية..
ال ايه ياخويا ...
القاضى نسى أسباب الحكم ....
جوه جيب الجلابيه..
مش قلتلكم العدل فى بلدى ..
بقى 100/100
يا ريت نرجع ذى زمان ..
ونحب بعض من تانى ...
وبلاش خلط الدين مع السياسة...
مبقتش عارف مين الملتحى ...
ومين اللى حالق ...
ومين بيبيع ومين بيشترى ...
بقت هيصة يا مصر ...
والنهضة مع كل دة بيقولوا :-
100/100
والعدل بقى بيتوزن بالكيلو...
يلا ..اكيد فى الحفلة ...
هنقعد وناكل على الطبلية
بقلم عمر ابو عميره
ليست هناك تعليقات:
إرسال تعليق