لو حكيتي
متنسيش تقولي الحكاية
وسط البداية والنهاية
قولي كنا بنتواعد ونتلاقى
ونقول كلام مالوش معنى
حتى النظرة من عيون حيرانة هربانة مليانة كدب
ده كان حالك مش حالي
مكنتيش بتردي علي سؤالي
ولا حتى كنتي بتغني موالي
حتى جواباتك كانت مجرد حبر
لكن انا كنت بكتبها بحروف من تبر
بكل احساسي ومشاعري بتملى الكون بابعاده
لكن انتي احساسك ومشاعرك متتعداش مجرد شبر
قولي حبنا كان وقت فراغ بتمليه
قولي نزوة قولي وهم كنا عايشين فيه
قولي الحقيقة متكدبيش
قولي اللي كان متغيريش
اختميه بيوم الفراق يوم من غير وداع
قولي مين اشترى ومين اللى باع
مين اللى خان ومين اللى ضاع
قولي الحقيقة متكدبيش.. متغيريش
ده باينه زي الشمس مش مجرد شعاع.
مصطفى عبد النبى
ليست هناك تعليقات:
إرسال تعليق