علي سبيل الهزار والتسالي
ليس اكثر
كتبت كلامي للي ليس داري بحال
*******************************
أنا بحب واحدة هنا
كل ما تقرا حاجة كاتبها
تعلق وتقول يا بختها
معقولة كل ده الحب بتحبها
اضحك واقول يا بختي انا
اني عرفتها
مع انها
مش حاسة ولا فاهمة
قولولي اعمل معاها ايه
تلميح. ولمحت لها
بستني تنشر اي حاجة
اجري بسرعة مهولة
اعلق عليها
وافضل ازيد واعيد في كلامي
روعة تسلم الايادي
كلام جميل واللي ناشره اجمل
ترد وتقول الاجمل مرورك
شرفت. انرت
اعمل ايه معاها
نفسي امد ايدي من التليفون واشدها
امسكها. واصرخ في وشها
يا ستي انت المقصودة
لك بغني الغنوة
غوصي جوة الكلمة
دققي في الصورة
تلاقي صورتك محفورة
جوة قلبي
اسمك هو لحني
بصي في عيوني
هاتقولك كل اللي جوايا
عيوني مش هاتقدر عليكي تخبي
عيوني هاتفضحني
هاتصرخ با اعلي صوت
بيحبك انت
انت اللي عليكي العين
القلب دايب فيكي حنين
قربي اسقيني من الحنان
عيشيني الامان
اقول ايه تاني
اغاني وكتبت
كلام عشق وقولت
امتي هاتحسي بي
وتعرفي انك انت
انت انت
ولا غيرك انت
انت اللي ساكنة قلبي
انت اللي شاغلة عقلي
يارب تفهمي كلامي
وتعرفي عنواني
صبري حسين
ليست هناك تعليقات:
إرسال تعليق