طوياك الغربة
__________
أمي ع الأرض
تخط.. الفصا...
بالطول والعرض
.سرحت أماي..
قالت... ياواد إنت..
قليل البخت معاي
طوياك الغربة المرة..
بت الكلب..
واخداك مني ياضناي
ولا مرة تطل علاي
روح أنا مسامحاك
بأدعيلك كل صلاة فرض
وإن زمزغت الدنيا معاك
متخافشي منها
دنيا غرورة..
ماليها أمان
إن راحت أو جات
كلها.. أحزان
المتحزم بيها غلطان
المتغطي بيها عريان
ح تاجي ياواد
وتزور أمايتك.
(روح الكمال)
أباي عليك واد
من صغرك جلعان
تضحك مع ده
وتلاغي ديه
تصاحب ده
وتماشي ديه
لك شوق
زي الحمام لك غية
تحب القول والملاغية
أه منك لما تحب
تبقي صبابة
فرح قلبك..
يبقى ربابة
لما بتضحك..
تلاقي الفرح ع البوابة
تعال ياواد... أقولك!!
صح إللي سمعته عنك؟
ياواد قوللى
سمعني حسك!!
أااه منك..مدام سكت
وإتكسفت ضحكتك
يبقى دق الهوى قلبك
شعلقت عينك ياواد
طب هاتها ف حضني
إن دفتني ياولدي
راح تتدفى إنت كمان
إسأل أمك (روح الكمال)
إياك تطويك الغربة تاني
تروح يوم وتنساني
ح تاجي ياوليدي؟
تزورني ف مكاني؟
ولا حتترمي
ف الحضن الدافي هناك؟!!
سامعني ياواد...
ياقليل البخت معاي
طوياك الغربة المرة......
بت الكلب!!
واخداك مني ياضناي
أبااااي
أباي م الغربة أباي
الناقد
حمدي البوقي
ليست هناك تعليقات:
إرسال تعليق