موال
يفيد بإيه الجمال
يفيد بإيه الجمال
طالما البال مش رايق
عمر الجمال ما يغير حال
مهما كان القوام لايق
أنا عيني رأت غزال
مشغول البال مضايق
من طلته يغير القمر
و الحسن عليه عايق
سبقني السؤال : ليه
الغزال في الفكر غارق
و أنت أصيل الخال
و معاك المال فارق
الزهور تفتح بضحكتك
و الورد يملي حدايق
قال : الهجر طال
و صاحبي في الدلال سايق
الحظ معاه قال
و نال...قصر شاهق
و لقاه أصبح محال
و لا مجال لأمر خارق
و أنا لا قادر أنساه
و لا أنسي
معاه لوم الخلايق
ما بيغيب عن البال
و سهمه في القلب راشق
و عايش علي ذكراه
و لفراقه مش طايق
الصبر فين ألقاه و أنا
من مُر الهجر دايق
أشكي لمين الآه
و مين من الآه فايق
★★★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق