((( قلوب تايهه )))
_______________
عيني ع قلوب تايهه
بجراح الغدر عايشه
الخطوه ماشيه بيها
ف دنيا عليها قاسيه
عيني يا ويلي عليها
كل القلوب لها ناسيه
ناسيه لها الذكريات
فرح العمر اللي فات
لا في حد بيواسيها
جولها والف صرخه
علي الحب اللي مات
وقلوب لها ... جارحه
صعبه قوي ساعاتها
غدرها يدوب بلمحه
ملون لها الحكايه
وراسم لها الروايه
بتداري دموع عينها
بتجاري جرح كاويها
قلوب تايهه ضايعه
بتدور مين يناديها
يسمح لها دموعها
كأس الود يرويها
تنسا يوم احزنها
وبالفرح يلاقيها
عيني ع قلوب تا يهه
بجراح الغدر عايشه
مالي الحزن عنيها
ساكن لها لياليها
كلمات
مجدي فرحات
ليست هناك تعليقات:
إرسال تعليق